ایها الناس ویرون رای منه

ایها الناس ویرون همتلن رای منه

منی وادارایلیون شرکت ایدوم انجمنه

شاعرم شعریله هر مطلبی تحریر ایده‌رم

قاری‌یم آیه‌نی اوز شائنیمه تفسیر ایده‌رم

سیل یخان ایولری بیر هفته‌ده تعمیر ایده‌رم

لادیمز حکمیمه مستاجر اولا یا سکنه

ایها الناس ویرون رای منه

قویمارام شهریده بیر ذره کثافت اثری

گرک آسفالت اولونا شهریمیزین کوچه‌لری

گوره‌سوز اوندا که آیا سوزیمون وار کسری

من فقط ماهه باش اگسم اگرم انجمه‌نه

ایها الناس ویرون رای منه

قویمارام شهریمیزین بودجه‌سی گیتسون هدره

قویمارام ظلم اولا بیر مو قدری بیر نفره

ییرم شام نهارا یاغ دوگی صبحانه کره

اوزه‌رم باشنی هر کیم سولسه هل پسنه

ایها الناس ویرون رای منه

ایشی ترتیبه سالوم شهره ویروم نظم و نظام

مد امروزیله تعمیر اولا مسجدله حمام

ناقصاتی ایلیوم بیر ایلین عرضینده تمام

هامی بیر دفعه دیسون احسن او رای حسنه

ایها الناس ویرون رای منه

نیه گورکان آلا قبرین بیرینه اللی تومن

نیه دینمور بو جماعت ایشه یوخ بیر یتیشن

بله اولسا قوجا دنیانی دوتار اولماز الن

اُلی گر اوز باشنا اولسا تریخلار کفنه

ایها الناس ویرون رای منه

نه روا شایع اولا شهریده مشروب و زنا

دولدورا تکیه و مسجدلری تذویر و ریا

قویمارام رایج اولا بیر بله تنزیل و ربا

خلق ایچینده گنه مرسوم اولی قرض‌الحسنه

ایها الناس ویرون رای منه

چوره‌گی میوه‌نی بازاردا فراوان ایده‌رم

هویجین آغ کلمین قیمتین ارزان ایده‌رم

اتی قصاب باها ساتسا اونی تاوان ایده‌رم

باسارام ایگنه‌یین‌لر قوسار آتدان تبنه

ایها الناس ویرون رای منه

شاعرم منده قویون صنف رجاله قوشولوم

کارت و پارت و پلوویله پولوم اولسون خوش اولوم

سوخولوم باند ریاستلره غمدن قوتولوم

نولی بش گون قویاسوز سرور اولام مرد و زنه

ایها الناس ویرون رای منه

قویمارام کتلیه آشپز قوخوموش کفته ویره

بیری اصنافی سویوب جنسین آلا سفته ویره

اوغلانا شوخ مه‌مه قزلار اُپوشی مفته ویره

بوسه‌نین هر جوتی قاخسون گرک آتمیش تومنه

ایها الناس ویرون رای منه

منی شهر اهلی تانور من بو ایشین ماهری‌یم

رئسا تک تکی موسا اولا من سامری‌یم

نابلد کی دگولم شهریویزین شاعری‌یم

یوخ خیانت نظریم دولته دینه وطنه

ایها الناس ویرون رای منه

سویرم منده چاتام منصبه آدیم یکله

یاغلی مجانی پلولارییه قارنیم دیکله

ساری رنگیم دورولا بو تیشی قیشلارکوکله

یاخشیلیق دوره سیدی سن منه یان منده سنه

ایها الناس ویرون رای منه

من اگر رای آپارام خوش سیزون احوالیزه

مرحبا طالعوزه شانسوزا اقبالویزا

جد و جهدیله یتورم سیزی آمالویزه

دده سوز سیز منه عورتلریویز مثل ننه

ایها الناس ویرون رای منه

حاضرم هر ایشوز اولسا دیمیون دال چاتارام

بله فکر ایلمیون سیزلری گوزدن آتارام

یری گورمز گوزوم اوندا باشیمی دوز دوتارام

دیمرم گیچدی سودان ایشکیم ایندی منه نه

ایها الناس ویرون رای منه

گله لازمدی حمامدا سو پولی بش قرانا

تا گیده سطح نظافت یوخاری خلق اویانا

شهر حسرت قالا قیللی ... کیرلی دابانا

یاسمن گونده ورا شانه او زلف سمنه

ایها الناس ویرون رای منه

نولی بش گونده کریمی اولا بیر جمعه آقا

داراشا بوغلی پشیک تک بالا قیماقه یاغا

بولیسوز هر ایشیویزده دوشرم من قباقا

ملکم ایندی من اوندا دونرم اهریمنه

ایها الناس ویرون رای منه

                              کریمی مراغه‌ای

بلبل شیدایه گوره ( واحد)

بلبل شیدایه گوره

قاچدی صحرالره مجنون ،دئمه لیلایه گوره

عشقه دوشمیش اودا بیر ، باشقا معمایه گوره

 

هره بیر دردیله ،آلوده در ائیلر ناله

من، سنین حسنینه ،بلبل ،گل رعنایه گوره

 

بو تمناده ایدیم ، وصلینه ای گول یئتیشم

سئندی مندن اورگین ، تز بو تمنایه گوره

 

یوسفین عشقی زلیخانی شرفدن سالدی

اودا زندانه دچار اولدی زلیخایه گوره

 

با شقا مه پاره لرعشقونده،گوزومدن دوشدی

قطره گوزدن دوشر ، البته کی دریایه گوره

 

گل ایچون بلبل شیدا ،گیچیر ئوز جانیندان

گل ، نه ییندن گئچه جک بلبل شیدایه گوره

 

عمریمیز ایندی کی ((واحد)) بیله سرعتله گئچیر

ممکن اولدوقجا،بو گون گور ایشی،فردایه گوره!!!

آتا سوزلری {ضرب المثل های آذری(ترکی)} (سری20)

 

- 11 -ائشیتدیگووی اونوت ،گوردوگووی دئمه !

  ( آنچه را که شنیده ای فراموش کن و از آنچه دیده ای نگو ! )

  << انسان نباید تمام آنچه را که شنیده جدی تلقی بکند وتمام آنچه را که دیده بازگو بکند >>

 

12- ائل اوچون آغلیان ، گوزدن قالار .

  ( آنکه به حال مردم گریه بکند ازچشم می ماند (محروم می ماند) )

  << کسیکه به همۀ مردم دلسوز باشد مصالح شخصی خود را نمی تواند درک بکند >>

 

13- ائو سوز سوز ،گور عذابسیز اولماز .

  ( خانه بی حرف ،گور بی عذاب نمی شود )

  << به بگومگو های خانوادگی که یک امر معمولی است نباید زیاد اهمیت داد >>

 

14- اکمگون وار،ایشون ایشدیر ؛ اکمگون یوخ ،ئوزو بیر ایشدیر .

  ( اگر نان داری کارت کار است ،اگر نان نداری خودش کاری است )

  << کسیکه حداقل معیشتش تأمین نباشد مجالی برای استفاده از مزایای زندگی نخواهد داشت >>

 

15- الی چیخان چوبانا ،قویون گود دورمه !

  ( چوپانی را که دستش در رفته به پاسداری گوسفندان مگمار )

  << انتخاب فرد ناتوان یا بد سابقه به تصدی امور اجتماعی خطاست >>

 

16- اوجوزدن باهاسی اولماز .

  ( از ارزان گرانتر نمی شود )

  << خرید جنس مرغوب ولو گران باشد باصرفه تر است >>

 

17- ایت یانیندان ،دالدان کئچ ؛آت یانیندان،قاباقدان .

  ( نزد سگ از عقب رد بشو ،نزد اسب از جلو )

  << در برخورد با افراد نباید خصوصیات اخلاقی آنان را از نظر دور داشت >>

 18- ایشی چتینه چکمه .

  ( کار را به دشواری نکش )

  << هر کاری از طریق مسالمت ومدارا آسانتر انجام می پذیرد تا از طریق سخت گیری وستیزه جوئی>>

 

19- ایکی طویی بیر ائله میشیک،دوگونی باتمان یاریم .

  ( دو عروسی را یکی کرده ایم برنج را یک من ونیم )

  << برای صرفه جوئی در خرج است که دو کار با یک مراسم انجام داده می شود >>

 

20- ایلانین قویروغون ،آیاقلاما .

  (دم مار را زیر پا نگیر )

  << درگیرشدن با افراد شرور جایز نیست >>

شانه نیله سین !! (علی آقا واحد)

شانه نیله سین

زلفون داغلاماق عادتیدر، شانه نیله سین؟

یارین وفاسی اولماسا ، بیگانه نیله سین ؟

 

پروانه عشقی وار ، دولانیر شمع باشینا ،

شمع ایسه یاندیریر ،اونی پروانه نیله سین؟

 

زلفونده ناله ائیله سه اینجیتمه کونلومی،

زنجیره تاب قیلماسا ، دیوانه نیله سین ؟

 

معشوقین ئوزگه لره گزیر ،اومما خلق دن

بیر،ائو کی؛گئتدی غارته،هم خانه نیله سین؟

 

گل غنچه لیقدان ، عادت ائدیب بی وفالیقی

دونمیشسه بلبلین،اورگی قانه نیله سین ؟

 

ییخدی رقیب کونلوم ائوین،وصل یار ایچون

دشمن منم بو ظالمه کاشانه نیله سین ؟

 

میخانه نین شرافتینی ،آنلا باده ایچ

سر خوشلیق ائیلدین ،بونا میخانه نیله سین؟

 

سئندیر طبیعتینده اولان ،جهل شیشه سین

سئندیرما مست اولان کیمی ، پیمانه نیله سین؟

 

((واحد))دئییرسه خلقه حکیمانه باده ایچ

همدم فساد اولاندا ، حکیمانه نیله سین ؟

درد و غمه توش ائتدی !!

بونه مئی دیر کی، ایچرکن منـی بیهـوش ائتـدی؟

خاطریمدن غـم و انـدوهـی فـرامـوش ائتـدی!

تاپمادیم چاره یـانـان کؤنلـومـه مئـی دن غئیـری

منی عشقیـن نـه قـدر درد و غمـه تـوش ائتـدی

گـر الیـم یئتسـه، ایـاقینـدان اؤپـردیـم، ســاقــی

خُم ِ مئی تک، مئی ایچر کن، بدنیم جوش ائتدی

جنّت اهلـی او آدام دیـر کـی دؤنـوب واعـظ دن

پیـر ِ میخـانـه نصیحـت لـرینــی گــوش ائتــدی

مئــی ا گــر لعــل ِ لــبِ دلبــره آلــوده دئییــل

بس آیـاغینـا صـراحـی نییـه کـرنـوش ائتـدی؟

عشق بیر شعله چکیب، یانـدی وجـودوم یکسـر

گؤٕرکی بیر آه، بو شمعی نئجه خامـوش ائتـدی!

تـؤکـدو، واحـد، یئنـه یـاریـم اوزونـه تئللـرینـی

جمع ایکن، خاطیر ِ محزونیمی مغشوش ائتـدی

علی آقا واحد

ابتدا سیندان! (علی آقا واحد)

آدمسن اگر !! (علی آقا واحد)

آتا سوزلری {ضرب المثل های آذری(ترکی)} (سری19)

فصل هشتم :

   آداب معاشرت،تدبیرمنزل،عقل معاش،صرفه جوئی،اسراف،قناعت

 

1 -آخساق ائششه کله ،کاروانا قوشولما !

  (با خر لنگ همگام کاروان نشو)

  << همگامی باجمعی مؤفقبدون در نظر گرفتن امکانات لازم موجب درماندگی می شود >>

 

2 - آرتیق خرج ،ائو ییخار .

  ( خرج بی رویه باعث خانه خرابی می شود )

 

3 - آری یوواسینا ، بارماق اوزاتما !

  ( به لانۀ زنبور انگشت دراز نکن )

  << ستیزه جوئی با جمعی مصمم وتلافی جو خطرناک است >>

 

4- آزا قانع اول ،چوخی آلاهدان ایسته .

  ( به کم قانع باش زیاد را از خدا بخواه )

  << قانع بودن به درآمد کم مانع از آرزوی درآمد زیاد نیست >>

 

5- آز وئر، چوخ یالوار؛چوخ وئر آز یالوار .

  ( کم بده زیاد التماس بکن ،زیاد بده کم التماس بکن )

  << توقع گذشت تؤام با خوش زبانی وفروتنی باید باشد نه با خشونت وبی اعتنایی >>

 

6 - آشاغادا اوتور ،یوخاریدا سوز آندیر .

  ( در پایین (مجلس) بنشین در بالای مجلس حرف حالی کن )

  << سروری با دانش و وجود مثبت داشتن است نه با صدر نشینی وادعا >>

 

7- آشپز دان کوسن ،ائوینه آج گئدر .

  ( کسیکه با آشپز قهر کند به خانۀ خود گرسنه بر می گردد )

  << اختلاف پیدا کردن با کسیکه اختیار قطع ثمر معیشت را دارد موجب محرومیت می شود >>

 

8- آغیر گلسه ،یونگول قالخار .

  ( وقتی سنگین بیاید سبک پا می شود )

  << ادای رسوم احترام دربارۀ بزرگترها لازم است >>

 

9- آئی یا ،ایشون قوتارانجاق دائی دئی .

  ( خرس را تا به اتمام رسیدن کارت دائی خطاب بکن )

  << تظاهر به علاقه مندی واحترام به کسیکه احتیاج به کمکش داری واجب است >>

 

10- ائششگه مین ،آتا چاتینجا .

  ( تا دسترسی پیدا کردن به اسب سوار خر شو )

  << تا رسیدن به امکانات مطلوب به استفاده از امکانات موجود باید قانع بود >>

دانلود اشعار کلیات علی آقا واحد

برای دانلود فایل با فرمت pdf اینجا کلیک کنید. حجم : 7/6 مگابایت

منبع: وبلاگ بیوک اشرفی

ائشیتمز افغانیمی !

بیــر قــارا گــؤز آلــدی دیــن و ایمـــانیمـــی

باغلیب زولفو آیاغیم، قـاشـی تـؤ کـدو قـانیمـی

یئدی افلاکی فغانیم چـولغـادی هیجـرینـده، آه!

بیـوفـا یـاریـم ائشیتمـزمــی مگــر افغــانیمــی؟

دامنین توتـدوم، وصـالیـن ایستـه ییـب اومیـدایلـه

کسدی اومیدیم، دئدی، عاشیق، بوراخ دامانیمی

عجزایله، جانا، دئدیم، سنسن طبیـب عشـق کیـم

بو مریضِ عشقه تاپدیم، شـوکـورلـر، درمـانیمـی

لطف قیل بوسه، نیگارا، واحد اولموش مستحـق

دیٔ زکات ایلـه غنـی ائتـدیـم مـن اؤز دربـانیمـی

علی آقا واحد

سئوگیلی جانانه،کونول

اویما هرزولفی قارا،سئوگیلی جانانه،کونول

بووفاسیزلارائدرلر سنی دیوانه ، کونول

مومکون اؤلدوقجا چالیش یانمایاسان عشق اؤدونا

شمع دَن گورنه چکیر هر گئجه پروانه ، کونول

سَن هله عشق کمندینده اسیر اؤلمامیسان

اؤیما مجنون کیمی هرزولفِ پریشانه کونول

گولده اؤلسایدی وفا،خاریله یار اؤلمازیدی

بولبولون آهی یاییلمازدی گولوستانه،کونول

آشنا اؤلماق عبث دیر بو پری چهره لره

یئنه بیرگون اؤلاجاقلار سنه بیگانه ،کونول

سئودیین اؤلسا زولیخای زامان،سن یوسیف

فکرائدیب سالدیرا جاقدیرسنی زندانه،کونول

واحیدین عومروبوتون نازلی گوزه للرله گئچیب

بو حقیقت سوزو ظن ائیلمه  افسانه، کونول

 علی آقا واحد

سرو روانسان

بیلسن گؤزه لیم، سن نه قدر سئوگیلی جـانسـان!

ظلم ائیله مه، قوی سؤیله مه سینلر، جان آلانسان

سولدورمـا او گـول چهـره نـی، آلـدانمـا رقیبـه

اؤز قدرینی بیل کی، نه قـدر اینـدی جـاوانسـان

اغیـارا اینـانمـا، گـؤزه لیـم،قـورخـورام اونـدان

چوخ ساده سن، هر سؤزکی، دئییرلر، اینانانسان

گولدن ده، چیچکدن ده، گونشدن ده گـؤزه لسـن

سـن بـاغ ِ مـلاحــت یئتیــره ن ســروِ روانســان

گؤردوم، یئنه مین نـازایلـه بیگـانـه یـه بـاخـدیـن

چوخ شبهه یه سالدین منی، بیلدیم نیگـارانسـان

گؤر بیر نه گؤزه لیکـده یئتیـرمیـش سنـی طـالـع

حسرت چکیر عالـم سنـه، مشهـورِ جهـانسـان

واحد، بو قـدر سنـده کـی وار عشـق و محبـت

دونیا قوجالیب گئتسه، چتین سن قوجـالانسـان

علی آقا واحد

عشقون بولاغین قویما بولانسین کی درولماز
عشقئن یولونی دوز گیده هر کیمسه یورولماز

هر کیمسه گلوب عاشق لایق اولا بولمز

بو مکتب عشق ایچره یالان اولمیوب اولماز

گر آغلاماسا قاره بولوط غنچا گول آچماز

گر گولمسه گول درد و غمه چاره تاپولماز

گلشنده گولون قیمتی گولدور گوله بولسه

نامرد الی سیندیرماسا بو شاخه نی سولماز

بیر عومر چکوب نازینی بولبول آچا بیر گون

درد اهلی اولان غنچه لنن شاخه نی یولماز

عشق اولماسا عالمده گوزلیک گوزه گلمز

بو چارداغی قویما یخا یئل بیرده قورولماز

دیوانه لیگین لذتی حیران ائدر عشقی

عومرون بویی سرمایه دی بش گونده قوتولماز

باشدان گئچر عاشق ولی یاردان گئچه بولمز

آیری طرفه هر نه اولا یولدا بورولماز

هوشمند

صبر ایله کونول

صبر ايله كونول محنت هجرانه تلسمه

    درد اهلي يئتر صبر ايئله درمانه تلسمه

    يـــوسف ده زليخاني محبت له سويردي

    سالديردي زليخـا اوني زندانـه تلسمـه

    دنيايـه وفا ايئلمه چوخ آغلاما كونلوم

    دنيا نه وفا قيئلدي سليمانــه تلسمــــه

    کام آلمیــه جاق آیریلیقا باعث اولانلار

    عاشيق چاتاجاق سئوگيلي جانانه تلسمه

علی آقا واحد

اوچماق ایسته ییرم

اوچماق ایسته ییرم، من، ائله اوچماق

قاناد وئرمه سه ده طبیعت منه

قوجماق ایسته ییرم، دونیانی قوجماق

وئردی بو آرزونو محبت منه

محبت قاناددیر گزیر هر یئری

اولمایان قدرتی او وئریر بیزه

گوزله گورونمه ین درینلیک لری

محبت گوستریر گوزلریمیزه

محبت اوزومو درک ائدیم دییه

منی یئردن آلیب قالدیریر گویه

اوچماق ایسته ییرم یالنیز زیروه دن

سئیر ائدیم بو گونو، اوتن چاغلاری

او قده ر اوجالیم، یوکسه لیم کی من

گورمه ییم یئرده کی خیردالیقلاری

اوچماق ایسته ییرم آرزو دالینجا

اوزومو سسله ییم، های وئرین منه

خیالدان اوتایا من اوجالینجا

یئر منه دار گلیر، گوی وئرین منه

اوچماق ایسته ییرم، عصب لریمی

عصرین اوز کوکونده چکیب تاریما

اوچماق ایسته ییرم، درد سریمی

درمانا یئتیرن ناغیل لاریما

یازان: بختیار وهاب زاده

کونلوم

گلوبدور تنگه ای ظالم ، ستمله قان اولان کونلوم

همیشه باغ وصلینده ، گولوب خندان اولان کونلوم

دوشوب مجنون کیمی ، صحرایه بیر لیلی فراقیندا

بوتون عاشقلر ایچره ، منبع عرفان اولان کونلوم

نه اولدو بیلمه دیم دوشدو ، جدا گولزار کویوندان

همیشه خوان وصلین بزمینه ، مهمان اولان کونلوم

کیمه بیلمم ، گئدیب اظهار قیلسین محنت عشقین

دؤنوبدور قانه هجرینده غمی پنهان اولان کونلوم

نه چاره ائیله سین ، بیلمم خلاص ائتسین اوزون غمدن

اسیر محنت و پا بسته هجران اولان کونلوم

اولورمی بیر زمان خرم ، یئتیشسه وصل جانانه

غم هجرینله افغانلار چکیب ، گریان اولان کونلوم

منم فرهاد ! عصرین سئودیگی { واحد } گوزللر دیر

اودور کی لاله داغین گؤستریر ، ویران اولان کونلوم

علی آقا واحد

گئدیرم اؤزگه یارین شمعینه پروانه اولام

گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام

گئنه نیسگیل لئچگین سالدی خزان

گئنه نیسگیل لئچگین سالدی خزان
اچمامیش غنچه لری چالدی خزان
منی ده جایناغینا آلدی خزان
یاشیل احساسلی چمن ساخلا منه
..
یالانا دوزلوک اوخو ائتسه اثر
گول بیتیب ، غنچه گولوب ، آچسا سحر
بیرده گؤرکملی اوره ک گؤرسن اگر
او اوره کلرده وطن ساخلا منه
..
سؤزلرین سینه لره کؤز قالادار
دویغونون توشگولو کؤزدن جالادار
اونداکی سؤز گونشی چالخالادار
سؤزده اولدوز کیمی دن ساخلا منه
.
دایاغ عونوانلی داغ آواره سی یم
قارا گونلرده آغ آواره سی یم
بیر گولوشلوک دوداغ آواره سی یم
غملره قارشی گولن ساخلا منه
..
دئمیرم خوشلوغا یاد ائت یادا سال
غم اؤنونده آدیمی فریادا سال
منی ده غم بؤلوشنده آدا سال
بیر اوره ک پایلی محن ساخلا منه
..
بیر دایان ، ذیروه یه ایز قوی گلیرم
سانماکی خسته یم ، ایز قوی گلیرم
بیر چاناق سؤزده دئنیز قوی گلیرم
بیر دؤیوش مئیدانی چن ساخلا منه
..
اوجالیقلاردا ایزین وار دئیه رک
چیخارام داغلارا یار – یار دئیه ره ک
گله رم غربت ائوین دار دئیه ره ک
وطن عونوانلی کفن ساخلا منه

 شاعیر : حمیده رئیس زاده

بیر مجلسده اون ایکی کیشی‌نین صحبتی

وکیل: حق‌سیزه حقلی دئییب بیر چوخ گناهه باتمیشام

حکیم: دردی تشخیص ائتمییوب، قوم- اقربا آغلاتمیشام

تاجر: من حلال‌ایله حرامی بیر- بیرینه قاتمیشام

روضه خوان: امتین پولین آلیب، من گوزلرین ایسلاتمیشام

درویش: نرده بولسام سوق آچیب مین- مین یالان سوز ساتمیشام

صوفی: روز و شب حق، حق دئییب، من هر کسی اویناتمیشام

ملانما: گونده بیر فتوا ایله، مخلوقی من آلداتمیشام

علم: قطع امید ائتمیشم، یک‌سر بو قومی آتمیشام

جهل: اورتادا کیف ائیلییوب، من هر مرامه چاتمیشام

شاعر: بولبوله، عشقه، گوله، دائر یالان فیرلاتمیشام

عوام: آنلامام هرگز، جهالت بسترینده یاتمیشام

غزئته‌چی: من جریده‌م دولماق ایچون مطلبی اوزاتمیشام

صابیر

آتا سوزلری {ضرب المثل های آذری} (سری14)

11- سفره ده الیوی ساخلا ، مجلیسده دیلووی. ( در سر سفره دستت را نگه دار ،درمجلس زبانت را ) << پرخوری در میهمانی ، پرحرفی در مجلس پسندیده نیست >> //////////////////////////////////////////////////////////////// 12- صاغیر مالی ده گیل ! ( مال صغیر که نیست ! ) << مگر مال یتیم است که از خوردنش امتناع می کنی ! >> / 13- عاشقی یاخشی ساخلا ، بد نامچی دیر ائل گزه ن . ( از ساز زن خوب پذیرائی کن چون بد نام کننده در همه جا او است) << برخورد نیکو با افراد سخن چین وهمه جا رو به مصلحت است >> ////////////////////////////////////// 14- قازان ، گرووا گئدیب . (دیگ به گرو رفته ) << شوخی – چون برای تأمین خرج میهمانی دیگ را گرو گذارده ام چنانچه نیائی خرج به هدر خواهد رفت >> // 15- قوناغا چوخ اوز وئرسن ، دورار طاقچا-بوقچانی آختارار. ( میهمان را اگر زیاد روی خوش نشان داده شود پا می شود به گشتن طاقچه وبقچه) << ار میهمان نباید آنچنان پذیرائی کرد که در صدد پی بردن به اسرار داخلی خانه برآید >> //////////////////// 16- قوناغا گئت دئمز لر ، پالازی آلتیندان چکرلر. ( به مهمان برو نمی گویند (بلکه) پلاس را از زیرش می کشند ) << قصد عمدی در پذیرائی از مهمان نشانۀ بیزاری از حضور وی است >> //////////////////////////////////// 17- قوناق بیر اولسا ، ائو ییه سی ئوکوز کسر . ( اگر مهمان یکی باشد صاحب خانه گاو نر می کشد ) << وقتی تعداد مهمان زیاد باشد میزبان را از تکلف در مهمانداری باید معذور داشت >> ////////////////////// 18- قوناق ،سن چوخ خوش گلیبسن ، اما نیه الی بوش گلیبسن !؟) ( مهمان ، خیلی خوش آمده ای اما چرا دست خالی آمده ای !؟ << مقدم مهمان گرامی داشته می شودبخصوص مهمانی که باخود تحفه یا خبر خوشی آورده باشد>> //////////////////////////////////////////////////////////////////// 19- قوناغا حرمت ائدرلر ، کافرده اولسا . ( به مهمان احترام باید کرد هرچند که کافر باشد ) ////////////////////////// 20- قوناق یانیندا ، تویوق باشی کسیر ! ( نزد مهمان سر مرغ می برد ! ) << مطلع کردن مهمان از خرج وزحمت پذیرائی که وی را وادار به ممانعت می کند نشانۀ بی میلی در پذیرائی است >>

مجنون تک

/////////////////////////////////////////////مني سوْداي زولفون ائيليوب آشفته مجنون تك ///////////////////////////////////////////// آخار سيل سرشكيم هر طرف سرگشته جيحون تك ////////////////////////////////////////////// گداي ملك عشقم ليك اؤز شهريمده سلطانم //////////////////////////////////////////////////// تؤكنمز نقد اشكيم ، وار اليمده گنج قارون تك //////////////////////////////////////////////////// بو فكريلن كؤنول بير بوسه آلسون خاك پايوندان ///////////////////////////////////////////////// گلور گؤزدن،دوشرتوپراقه دائم اشك گلگون تک //////////////////////////////////////////////// گول رويون ائدنده داغ دلدن لاله يه نسبت ////////////////////////////////////////////////////// دولار كؤنلوم فضاسي داغيلن پيوسته، هامون تك ////////////////////////////////////////////////// مني بير تلخ گفتاريله ديندور ، آرزومندم ///////////////////////////////////////////////////////// سنون زهرون گلير شيرين مذاق جانه، معجون تك ///////////////////////////////////////////////// كؤنول قانيله دوْلموش بزم غمده كاسه چشميم ////////////////////////////////////////////////// اوْلوب چون جام عيشيم سرنگون بوطاس وارون تك ///////////////////////////////////////////////// دئمه پيكان غمزون خون دلدن قانه غرق اوْلدي ///////////////////////////////////////////////////// درون سينه ده ياتميش صدفده درّ مكنون تك ////////////////////////////////////////////////////// قوپارّام تيشه حسرتله هر بير گونده مين داغي ////////////////////////////////////////////////// مني شيرين لبون شوري ائدوب فرهاد، مجنون تك /////////////////////////////////////////////////// نهال درد و غم اوْلسام نوْلور آخر دؤنوب حاليم /////////////////////////////////////////////////////// اوْلوبدور بار محنتدن خميده قامتيم ، نون تك //////////////////////////////////////////////////////// منم صراف ، لاكن نقد طاعتدن تهيدستم ///////////////////////////////////////////////////////// دوْلوبدور دامنيم گرد گنه دن، فُلك مشحون تك /////////////////////////////////////////////////////// حاج رضا صراف تبریزی

صلح اولماسا

گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویلر بیزیم ائللر

بیر یئرده کی، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد سنه، غم چکمه رقابت ائدن اولسا

مین گول قووشا بیر یئره، بحر خزر اولماز

علی آقا واحد

یاخشیدیر

بیر نفر اهل وفا مین بی‌وفادن یاخشیدیر

بیر صداقت اهلی مین اهل ریادن یاخشیدیر

هانسی گول دیر حسنده سندن گوزه‌ل دیر، سئوگیلیم

هانسی بولبول عشقده من بینوادن یاخشیدیر

قاشلارین چرخین هلالیندن، اوزین خورشیددن

صورتین آیینه‌ی گیتی نمادن یاخشیدیر

بیر داها خالین گوزه‌ل‌لیک آرتیریر رخسارینه

بیر غلط سوزدیر دیمشلر، آغ قارادان یاخشیدیر

گوزلرین صحرای چین آهولریندن دل فریب

عنبرین گیسولرین مشک خطادن یاخشیدیر

صحتی بیمار، عشقین کعبه‌ی کوینده‌دیر

اهل درده خاک راهین توتیادن یاخشیدیر

مین بلا طوفانی، قوپسا، ذره گلمه‌ز عینیمه

رخنه گورمز هر بنا کیم ابتدادن یاخشیدیر

جاهله تبلیغ عرفان ایله‌ملک آسان ده‌گیل

دیده‌ی خفاش ایچون ظلمت ضیادن یاخشیدیر

واحد،انصافاً دیسین تبریزده دوستوم اعتماد

گنجلرده هانسی شاعر «بی‌ریادن» یاخشیدیر

علی آقا واحد

سنی من گورممیشیدیم ولی سنلن تانیشیدیم نه دن؟

بوباغین بولبولو بیرده ن بیره لال اولدو نه دن؟

قوزقونا قارقایا جولانه مجال اولدو نه دن؟

شانلی یازکسمیشیدی قاره قیشین بوز نفسین

یازا چیخمیش صونالار غرق ملال اولدو نه دن؟

هانکی صرصر الی پرپر ائله دی گول چیچگی

بو برومند آغاجین میوه سی کال اولدو نه دن؟

بیز کی جان جان دئمه دیک اولکه ده قان قان دئینه

سئوگی منظومه سی حال اهلینه قال اولدو نه دن؟

مِیِ انگوری سؤزوم یوخ کی حرام ایدی بیزه

انسانین قانینی نوش ائتمه ک حلال اولدو نه دن؟

بیز بیلردیک کی دوغولماز یئنی دن رستم زال

یوردون حرّاجه قویان رستم زال اولدو نه دن؟

ایسته دیک سیره چیخاق ماوی سمالرده بیر آن

سیندی قُول یاندی قاناد سیر محال اولدو نه دن؟

آی کیمین آیدین یدی (عاصمه) ناحقّیله حق

پس حقین قامت موزونو هلال اولدو نه دن؟

صالح عاصم اردبیلی

گول ایمیش

 

بولبولون ناله‌ی جـانسوزینه باعث گـول ایمیـش

گوله هم عاشیقِ سـرگشتـه اولان بـولبـول ایمیـش

من دئیردیم کی، او مه مهر و وفـا صـاحیبی‌دیـر

دئمه بس، مهر و وفـادن او اوزی غافیل ایمیـش

داشا تـأثیـر ائلـه‌دی آهیــم اودیـله یـاندی

بیر اثر ائتمه‌دی اول شوخه، نـه آهـن‌دل ایمیـش

پیرِ میخانه سـوزون شیـخ قبول ائیلـه‌دی دون

آدم اولادی‌دیر، حقّا کی، هلـه قـابـل ایمیـش

یوخدور عاشیق، دئدی اول مه، منه سندن غیری

گیزلی منـدن، دئمـه، بیگانه‌لـره مایل ایمیـش!

عشقه دل ویرمز ایدیم، بارِ غمیـن بیلسـه‌ایـدیـم

نه بیلیم، عشقدن عشّاقـه بـلا حـاصیـل ایمیـش؟

واحـدا، مشکـل ایشـه خلقـده صبـر اوسـا اگر

اولو تدریج ایله آسان، هـر ایـش مشکل ایمیـش

علی آقا واحد

یئنی تکنیک

لعنت اینترنتـه کی لال لاری گویا ائله‌دی

یوخی وار قاره نی آغ چیرکینی زیبا ائله‌دی

اته نه قوش لارینا قدرت پرواز وئریب

سوت دیشین توکمیه‌نی حکمته دارا ائله‌دی

آچدی علمین قاپی سین غرب ده انسان اوزونه

تکجه فکر اوغروسونو شرق ده احیا ائله‌دی

لوله‌یین گورمه‌یه‌نین آفتافا وئردی الینه

خورخورا دوشدو خبرآلمـا نه غوغا ائله‌دی

اوشاقین آلدی الین‌ده‌ن توته‌کی وئردی موبایل

او طفیل ده اونو دفترچه‌ی انشا ائله‌دی

یئتمیش ایل سانجی چکیب نیما بئجرده‌ن وطنی

آز زامان دا نئچه مین صاحب نیما ائله‌دی

شاملووون قویدو ایاغ چینینه قوزاندی گویه

اخوان نقشی‌نی اشعارده امحا ائله‌دی

فکر صاحب‌لری‌نین گنجینی تاراجه قویوب

رنج سیز بیرگئجه‌ده سارساقی سینا ائله‌دی

وزن‌ایلن قافیه‌نی شاققالایب آتدی ایته

حضرت حافظه بیر محکمه برپا ائله‌دی

سعدی‌نین قبری‌نی قازدیردی گلستانین‌ده

قتل فرمانی‌نی فردوسی‌یه امضاء ائله‌دی

مولوی‌نی ائله‌دی نفی بلد قونیه‌ده‌ن

اولو خاقانی‌نی شیروانیده رسوا ائله‌دی

نظم‌ده‌ن سالدی نظامی کیمی شعرین آتاسین

صائبین سبکی‌نی هند اوغلونا اهدا ائله‌دی

بیدل‌این کسدی دیلین دهلی‌ده باسدیردی یئره

سعـد سلمانی‌ده زندانیده ابقا ائله‌دی

شهریارین گوتوروب شعر تاجین باشیندان

گونش‌این چشمه سینی شب پره حاشا ائله‌دی

بوغدو حیدربابانی دوغدو مدرنیسمی بیزه

درده باخ اوندادا بی‌سرلری بی‌پا ائله‌دی

سیمین‌این دیوانی‌نی زوللادی آشغال قابینا

پروینی کهنه بئین شاعره معنا ائله‌دی

سایه‌نی حال حیاتی‌نده زمین‌گیر ائله‌ین

فروغی رتبه‌ده بیر شاعر نوپا ائله‌دی

ادبیات دنیزینده اوزه‌ن اوزگونچولری

بوشلایب گول‌ده باتان قطره‌نی دریا ائله‌دی

و بو اینترنت اگر وئردی تعالی بشره

بیزیم ایران دا بوتون اسفلی اعلا ائله‌دی

قارقانی قوزقونو دولدوردی ادب باغچاسینا

بولبولی داردان آسیب پشه‌نی عنقا ائله‌دی

ادبیاتیده چالـدی ادبین داش باشینا

یئنی معجونیده‌ن اخلاقی مجزا ائله‌دی

سرقته فرصتی بذل ائتدی شعر اوغروسونا

اودا اوز ذاتینی وبلاگ‌دا هویدا ائله‌دی

زلف اوزاندی قاش آلیندی دیشی‌لندی کیشی‌میز

لعنت اول تکنیکه مجنونو لیلا ائله‌دی

طاووسی ساتماق ایچون یوللادی مال میدانینا

دورری خرمهره‌یه بازاریده همتا ائله‌دی

اوز کوکون‌داندی اوشاق باغلادی بیگانه‌یه بئل

نه اوتاندی نه اوساندی نه ده پروا ائله‌دی

آتاسین دان بئخبر بیلدی اوز ائل‌داشلاری‌نی

نه بیلیم بلکه ده اوز سری‌نی افشا ائله‌دی

نه گیله فقرده‌ن ائتدی نه آخان قان یاشدان

نه تالانمیش‌لار ایچون صبر تمنا ائله‌دی

نه قارانلیق گئجه‌یه بیر جوما اولدوز چیله‌دی

نه دومانلیق به‌یه‌نن آزمانا ایذا ائله‌دی

نه بولاق اولدو آچیب یول آخا یار باغچاسینا

نه چراغ ایله‌ایتن یولداشی پیدا ائله‌دی

تکجه اوهام‌ایله شعرین پری سین سالدی تورا

چالیشیب صبحه کیمی نفسینی اغنا ائله‌دی

اعتراض نامه آدین قویدو هدر سوزلری‌نین

تا کی اوز شاه اثرین ائل‌لره اهدا ائله‌دی

تف سنین گردش دورانینا ای چرخ فلک

بو دولانماق کیمی گور کیم لره مولا ائله‌دی

عاصما بسدی دایان شعرینه صون قوی بونو دء

لعنت اینترنته کی لال لاری گویا ائله‌دی

استاد عاصم اردبیلی خرداد 1390

ریاست میزی

ایندیه‌تک بیله بیلوردم خانم

هرزه و هزیاندی ریاست میزی

ایندی اوتوردوم گورورم آی جانم

تخت سلیمان‌دی ریاست میزی

      

آخ نئجه راحت نئجه اگلشملی

هر نئجه یورقون اوتوسا دینجلی

چوخ یوموشاق سلقلی کیف سورملی

لایق سلطان‌دی ریاست میزی

تخت سلیمان‌دی ریاست میزی

      

میز نئجه میز اگلشنی جست ایدیر

رند و خرابات و قوی دست ایدیر

بی می و مینا آدامی مست ایدیر

رتبه‌ی شایان‌دی ریاست میزی

تخت سلیمان‌دی ریاست میزی

     

باخما کیچیک گورسنوری ظاهری

تک بیر آدامدان چوخا یوخدور یری

قوی الیوی آننوا باخ بیر چری

بیر یکه میدان‌دی ریاست میزی

تخت سلیمان‌دی ریاست میزی

        

میز نئجه میز نشعه‌ی ممتازی وار

موشک و جت تک گویه پروازی وار

باشدان آلور هوشی عجب گازی وار

محفل رندان‌دی ریاست میزی

تخت سلیمان‌دی ریاست میزی

       

ایلمه غم فخرایله شیش آی ماتان

من رئیس اولدوم کفیمه یوخ چاتان

صدر نشینم دگولم شارلاتان

دردیمه درماندی ریاست میزی

تخت سلیمان‌دی ریاست میزی

      

واردی عجب معجزه‌سی بو میزین

کور ایدیر اوّل‌ده جلیسین گوزین

نه جلو ایستور نه اوزنگی نه زین

مین‌ملی مادیاند‌دی ریاست میزی

تخت سلیمان‌دی ریاست میزی

      

دورسا حضوریمده اگر یوز نفر

سایمارام ایشکدی بولار یا بشر

یا بیر اوطاق کتلی یا بیر طویله خر

بیزلره یکساندی ریاست میزی

تخت سلیمان‌دی ریاست میزی

       

آخ نئجه میز وار نه گوزل نقشه‌سی

اَل قول آچانمور سویورام هر کسی

اُلدویرورم هر کیمی چخمور سسی

مسلخ انساندی ریاست میزی

تخت سلیمان‌دی ریاست میزی

      

سخت اولا قانون نئجه مثل دمیر

من اونی الده ایده‌رم چون خمیر

اولموشام ایندی ایله روشن ضمیر

مکتب عرفاندی ریاست میزی

تخت سلیمان‌دی ریاست میزی

       

میز نئجه میز جنگده ارابه‌دی

دللری یاندیرماقا خوش تابه‌دی

خون ضعیفان بیزه نوشابه‌دی

باشدان ایاق قاندی ریاست میزی

تخت سلیمان‌دی ریاست میزی

      

مؤمن اولا گبر اولا اسلام اولا

یوخ منه فرقی چاتارام قول قولا

دینی فدا ایلمیشم من پولا

دینله دشماندی ریاست میزی

تخت سلیمان‌دی ریاست میزی

      

بو مثلی خوش دیدی احمد کوسا

ارمنی‌لیق یاخشیدی کبلای موسا

لیک قیامتده پوخی چخماسا

مسند شیطان‌دی ریاست میزی

تخت سلیمان‌دی ریاست میزی

      

عصر بیزیم عرصه‌ی میدان بیزیم

قصر بیزیم حوری و غلمان بیزیم

نفس بیزیم نعمت الوان بیزیم

معرض طغیان‌دی ریاست میزی

تخت سلیمان‌دی ریاست میزی

      

ظالمی مظلوم ایلسم ایلرم

حاکمی محکوم ایلسم ایلرم

هر کسی مسموم ایلسم ایلرم

مرکز بهتاندی ریاست میزی

تخت سلیمان‌دی ریاست میزی

     

دائم الیمده ایکی مثقال قلم

ایسته‌سم عالملری ووررام به هم

پولدی پول اُستن یاغوری دم به دم

گورملی دکاندی ریاست میزی

تخت سلیمان‌دی ریاست میزی

      

ملتی مین مین سویورام دویمورام

دولته دوقوز قویورام دویمورام

گونده اوتوز رنگ بویورام دویمورام

حیله‌ی الواندی ریاست میزی

تخت سلیمان‌دی ریاست میزی

       

زال منم رستم دستان منم

گیو منم سام نریمان منم

اهرمنم خصم سلیمان منم

مسکن دیواندی ریاست میزی

تخت سلیمان‌دی ریاست میزی

      

دویمارام اصلاً بله سرمایه‌دن

یوخدی سراغیم خبر و آیه‌دن

سنماسین ای کاش بو میز پایه‌دن

ثروت و ساماندی ریاست میزی

تخت سلیمان‌دی ریاست میزی

      

بس دی کریمی سوزی قاتما سوزه

سورمه آتون داشلقا قیتر دوزه

چکمه داخی ملتی چوخدا اوزه

یازمالی عنوان‌دی ریاست میزی

تخت سلیمان‌دی ریاست میزی

شاعیر: کریمی مراغه‌ای

آتا سوزلری {ضرب المثل های آذری} (سری12)

21- بیریندن سوروشدولار هارالیسان ؟ دئدی : هله ائو لنمه میشم.    ( از یکی پرسیدند اهل کجا هستی؟گفت : هنوز ازدواج نکرده ام )    << محل سکونت دائمی مرد پس از ازدواج به میل زنش انتخاب می شود >>

  22- تاری ایکی گوز وئریب ، ایکی گوزه باخماق اوچون.    ( خداوند دوچشم داده برای نگاه کردن به دو چشم )    << بیش از یک زن داشتن کار غیر طبیعی است >>

23- دول آروادین دیواری ، آلچاق اولار.    ( دیوار زن بی شوهر کوتاه می شود )    << به زن بی شوهر تهمت زیاد زده می شود>> 

24- سئچن ، سئچمه لیگه دوشر.   ( کسیکه قصد انتخاب بهترین را بکند به پهن دان می افتد )   << مشکل پسند گرفتار همسر ناباب می شود >>

  25- سوبایلیق سلطانلیق دیر.   ( تجرد پادشاهی است )   << آدم مجرد زندگی را هر طور که بپسندد می گذراند >>

  26- سوموگووی ایت سوموگونه قاتما !    ( استخوانت را با استخوان سگ مخلوط نکن )    << خوشاوندی با آدم ناباب به اصالت خانوادگی خود لطمه زدن است>>

  27- عیبسیز یار آخداران  یارسیز قالار .  ( مشکل پسندی در انتخاب دوست یا همسر به ناکامی می انجامد ) 

28- قونشودا قیز سئوه نین ، اوره گینده یاغ قالماز.    ( کسیکه عاشق دختر همسایه باشد در دلش روغنی نمی ماند )    << خود نمائی دائمی معشوق یا مورد علاقه ،رنج باطنی را طولانی تر می کند>> 

  30- قیزیدیم سلطانیدیم ،آداخلاندیم خان اولدوم،اره گئتدیم قول اولدوم،دوغدوم آستانیا چول اولدوم !    (وقتی دختر بودم شاه بودم،تانامزد شدم خان شدم،وقتی شوهردار شدم برده شدم،تا زائیدم جل آستانۀ در شدم ! )    << برای دختر زمانی که در خانۀ پدری است دوران حاکم بودن،زمان نامزدی دوران خوش گذرانی ،زمان شوهر داری دوران اسارت ومحدودیت وزمان بچه داری دوران حقارت وعذاب است >>

پیرم و گاهی دلم یاد جوانی می کند!!!

پيرم  و گاهي  دلم  ياد  جواني  مي كند          بلبل شوقم  هواي   نغمه خواني  مي كند  

همتم تا ميرود سازغزل  گيرد به  دست         طا قتم  اظهار عجز و  ناتواني   مي كند 

بلبلي در سينه مينالـد هنوزم  كين  چمن        با خزان هم آشتي  و گـل  فشاني  مي كند

ما به داغ عشق بازيها  نشستيم  و  هنوز        چشم پروين همچنان چشمك پراني مي كند

ناي ما خامش ولي اين زهره شيطان هنوز      با همان شور و نوا دارد شبـاني  مي كند

گر زمين  دود هوا  گردد  همانا  آسمان         با همين نخوت كه  دارد آسماني  مي كند

سالها شد رفته دمسازم زدست اما هنوز         در درونم زنده است  و زندگاني  مي كند

با همه نسيان تو گوئي  كز پي آزار من         خاطرم با  خاطرات   خود تباني  مي كند

بي ثمرهـر ساله در فكر بهارانم    ولي         چون بهاران ميرسد با من خزاني مي كند

طفل بودم دزدكي  پير و عليلم   ساختند        آنچه  گردون ميكنــد با ما نهاني  مي كند

ميرسد  قرني به پايان و  سپهر  بايگان         دفتر  دوران  ما  هم    با يگاني  مي كند

شهريارا  گو دل ازما مهربانان  مشكنيد        ورنه  قاضي در قضا نامهرباني  مي كند

لعنت اولسون قلبیمه

                                    لعنت اولسون قلبیمه سنسیز پریشان اولماسا

                                      نینیرم من گوزلری هجرینده گریان اولماسا

                                          لحظه لر سنسیز منه ای گل عزادیر

                                    شمعه کیم مهمان اولار پروانه مهمان اولماسا