قبریمین داشئنئن اوستونده یازئن:

قبریمین داشئنئن اوستونده  یازئن:

وطن سیز بیراوغول، وطن سیز بالا

یازئن کئ : بو یئرده بیر غریب یاتئب

بورونوب تورپاغا کفن سیز بالا

  

                       یازئن کئ :آرزئ سئ  گؤزونده قالدئ

                       گؤرمه دی بیرکره  دوغما یوردونو

                       اوره گی چئرپئندئ وطن عئشقینه

                       کیمسه یه  دئمه دی  کؤنول دردینی

  

قبریمین  داشئنئن  اوستونده   بیرده:

بیر جاوان  شکلینی  چکین،   الینده

وطن   بایراغئنئ    دالغالاندئرئر

یوکسه لدیر گؤیلره غربت ائلینده

 

یوکسه لتمک:قووزاماق

 به نقل از: یونس کریمی  

 این شعر را تقدیم آن شهدایی میکنم که در جنگ نابرابر رژیم باطل بعثی و جنایتکار  بعد از به اسارت در آمدن در عراق زیر شکنجه جانیان و جلادان صدام اسراییلی جان به جان آفرین تسلیم کردند

روحشان شاد باد (شعر از زبان یک شهید گمنام مدفون در عراق)

شعر ترکی زمانه با ترجمه فارسی

آی آقالار بیر زمانه گلیبدی / ای آقایان زمانه ای رسیده

ائو صاحابی دای مهمانی به یه نمیر / صاحبخانه مهمان را نمی پسندد
اوشاقلار بؤیویوب جاوان اولوبدور / بچه ها بزرگ و جوان شده اند
باج اوغلولار دای خالانی به یه نمیر / خواهرزاده ، خاله را نمی پسندد
قدیمین دب لری ایستیر ییغیشا /  آداب و روسوم قدیمی دارند از بین می روند
عقلیمه گلمیین لر گلیر باشا / آنچه به عقلم نمی رسید دارد به سرم می آید
ایندی حوققا قویور قارداش – قارداشا / حالا کلک می زند برادر به برادر
دئییر حقم ، حق اولانی به یه نمیر / می گوید حقم و حق را نمی پسندد
بایرامدا بیر دفه یئییردیک دویو / یک باردر عید  برنج می خوردیم
قئینردی قازاندا جیزلیغین پی یی / توی دیگ چربی جغوربغور می جوشید
ایندی بورونلارا ده یه نده آبگوشون ایی / حالا وقتی بوی آبگوشت به بینی می رسد
پیتزا آختاریر دای شوربانی به یه نمیر / پیتزا می خواهد و شوربا را نمی پسندد
یازیرام بو سؤزو من یانا – یانا / می نویسم با جگری پرسوز
منی باغیشلاسین او مهربان آنا / مرا ببخشند مادران مهربان
ائله بیر ایش گؤردو خانیم قئین آنا / کاری کرده مادرشوهر با عروس
دای گلین لر قئین آنانی به یه نمیر / دیگر عروس ها مادرشوهرها را نمی پسندند
عاشق حیدر چوخلو دالی قالیبدی / عاشق حیدر خیلی عقب مانده
یامان اؤزون دردسره سالیبدی / خودش را عجب توی دردسر انداخته
بئش گون گئدیب نخجوان دا قالیبدی / پنج روزی در « نخجوان »  مانده
قئییدیب گلیب دای دویجانی به یه نمیر / برگشته دیگر « دویجان » را نمی پسندد
*
اینجیمه بختیندن باخ زمانه یه / از بختت نرنج زمانه را نگاه کن
زمانه ایندی اینسانلارا یول گؤرسه دیر / حالا زمانه به مردم راه نشان می دهد
اوشاق بؤیوک ، آنا دیلین به یه نمیر / بچه ، بزرگ ، زبان مادری را نمی پسندد
اوشاقلار بؤیوگه یول نیشان وئریر / بچه ها به بزرگترها راه نشان می دهند
چای لار جوشغون گلیر دنیانی ییخیر / رودها با خروش جاری شده ، دنیا را خراب می کنند
یوخسوللوق چوخالیب کاسیبی سیخیر / فقر زیاد شده و فقیر را دلتنگ می کند
کهریزلر قورویوب ماتوردان چیخیر / قنات ها خشک شده و آب از موتورها بیرون می آید
لوله لر چشمه یه بئل نیشان وئریر / لوله ها بر چشمه ها پشت شان را  نشان می دهند
گلین سه سین قئین آنایا اوجالدیر / عروس صدایش را بر مادرشوهر بلند می کند
غم شله سی مرد ایگیدی قوجالدیر / بار غم جوانمرد را پیر می کند
اوغلانلار ساچ قویور قیزلار آزالدیر / پسرها گیسویشان را بلند و دخترها کوتاه می کنند
ایندی به ی گلینه تئل نیشان وئریر / حالا داماد به عروس تئل نشان می دهد
آجین مصیبتین نه بیلر توخلار / سیر از درد گرسنه چه می فهمد
غیرتلی دردینی اوره کده ساخلار / آدم با غیرت دردش را در دلش نگه می دارد
پالچیق آراسیندان چیخان قور- قوردلار / کرمهائی که از زیر خاک بیرون آمده اند
شاهمار ایلانلارا دیل نیشان وئریر / بر شاه مارها زبانشان را نشان می دهند
کل آزالیب بیر – بیرینن دؤیوشمور / پهلوانان کم شده و با هم مبارزه نمی کنند
چاققال اؤزون پلنگیله ده ییشمیر / شغال جایش را با پلنگ عوض نمی کند
جئیرانلار مات قالیب گلیب سو ایشمیر / گوزن مبهوت مانده آب نمی خورد
قارقالار کهلییه گول نیشان وئریر / کلاغها به کبک ها گل نشان می دهند
ستار نه قدیر یازاسان سؤز گلیر / ستار هر چقدر بنویسی باز حرف داری
زمانین بعضی سی اوره یی دلیر / بعضی دردهای زمانه دل را می خراشد
کوره کن قئین آتایا بیر حربه گلیر / داماد بر پدرزن رجز می خواند
سیلله سین وورماغا ال نیشان وئریر / برای سیلی زدن به او دست نشان می دهد
*
آی آقالار بیر زمانه گلیبدی / ای آقایان زمانه ای رسیده
نابلد بلده یول نیشان وئریر / غریبه به آشنا راه نشان می دهد
گون اورتادان سورا ، آخشاما یاخین / بعد از ظهر و نزدیک غروب
بئش تومن تاپانلار پول نیشان وئریر / آنکه پنج تومنی پیدا کرده پولش نشان می دهد
آخدی گؤزومون یاشی دؤندو عمانا / اشک چشمم جاری و عمان شده
شیطان دؤنوب لعنت دئییر شیطانا / شیطان بر شیطان لعنت می فرستد
بئش کیلاس درس اوخویوب اونودا شبانا / پنج کلاس درس خوانده آن هم شبانه
یئددی دیل بیله نه ، دیل نیشان وئریر / به کسی که آشنا به هفت زبان است ، زبان یاد می دهد
کاتیب یئتیردین اصلین سونونا / کاتب به اصل مطلب رسیدی
سککیزینه ، دوققوزونا ، اونونا / به هشتم و نهم و دهم رسیدی
صرافلار بویونلارین چکیب قینینا /  صرافها در انزوا فرو رفتند
پالاندوز زرگره لعل نشان وئریر / پالاندوز به زرگر لعل نشان می دهد

وطن اولادی

ای وطن اولادی، بیر آن وئرمه فرصت دوشمنه

قهرمان ضربه‌نله گؤستر درسِ عبرت دوشمنه!

قوی آلوو یاغسین تفنگیندن، توپوندان جبهه‌ده

ائیله اؤز دونیاسینی قهرایله ظلمت دوشمنه!

سونگوتک سانجیل فاشیستین قلبینه، یار باغرینی

ضربه اوستدن ضربه وور خائن طبیعت دوشمنه!

پارتلاسین قوی هیتلرین آلچاق باشیدا بومبالار

هر طرفدن وور جسارتله خسارت دشمنه!

ییخ، داغیت، یانسین جهنم‌تک فاشیستین جبهه‌سی

قسمت اولسون، قویما، بو گولزارِ جنّت دوشمنه!

بیلدی عالم هیتلرین خائن‌لیگین، ادنالیغین

یاغدیریر میلیونلا دونیا خلقی، نفرت دوشمنه!

حاضریق، واحد، صداقتله وطن اوغروندا بیز

هر زمان گؤرسترمگه قطعی جسارت دوشمنه!

علی آقا واحد

بو گئجه

یئنه اول ماه منیم آلدی قراریم بو گئجه

چیخاجاق‌دیر فلکه ناله و زاریم بو گئجه!

شمع‌وش محرم بزم ائیله‌دی اول ماه منی

یاناجاق‌دیر یئنه هیجر اودونا واریم بو گئجه

هم وصالی اورار اود جانیما، هم هیجرانی

بیر عجب شمع‌ایله دوشدو، سر و کاریم بو گئجه!

نه توتون‌دور کی چیخار چرخه، دل زاره مگر

هیجر داغینی اورار لاله عذاریم بو گئجه!

صبحه سالدی بو گئجه شمع کیمی قتلیمی هیجر

اولا کیم صبح گلینجه، گله یاریم بو گئجه

پاره- پاره جیگریم، ایت‌لرینه نذر اولسون

اول سر کویا اگر دوشسه گذاریم بو گئجه

وار ایدی صبح وصالینا فضولی اومّید

چیخماسا حسرت‌ایله جانِ فگاریم بو گئجه

شاعر: ملامحمد فضولی

بلوالاندیق

عشقه وئردیکجه کونول دردایله دریالاندیق

اتک آچدیقجا یخیب سدلری دنیالاندیق

دویغولار دالغالارا دونمه ده دالدیق دولدوق

اوتوروب بارلی باخیشلاردا تماشالاندیق

من عطش سن ده گونش عشقیمیز آتش آرادا

جلوه لندیکجه دل ذره ده گویالاندیق

اولدو لال کار بیزی کور تعبیر ائده‌ن تصویرلر

گوردولر هر دورو صاف گوزگوده رویالاندیق

گونش‌ین عشقینه مین رشک ایله آچماغدا آغیز

درو گوهر آخیدیب لولو لالالاندیق

بیزده بیر ذره قرار دوتمادی عشق ایله عطش

هئی پریشانلیقی آشدیق گئنه بلوالاندیق

دوشدو فیکر ائتمه چکیمده‌ن داها پیر اولدو موغان

هر نفس ده‌ن دم آلارکن ئینه شیدالاندیق

محمدعلی نهاوندی(موغان)

کوسمیشم

بیوفالیق گورمیشم بیر آی پارادن کوسمیشم

نازینی چوخ چکمشم بیر ناز سارادن کوسمیشم

سویلدیم مندن آرا گزمه نگاریم مندن اول

سایمادی یاریم منی مندن آرادن کوسمیشم

گوزلری عشقی سالیبدور شعله ی آهه منی

بو اوتا یاننام ولی من گوز آلادن کوسمیشم

زلفینین رنگی کیمی گوندوزلریم اولدی قارا

شام تار اولدی گونیم زلفی قارادن کوسمیشم

سویلدی قلبیم سینیب گل مرهم اول سن ای "امید"

مرهم اولدیم بیلمدی قلبی یارادن کوسمیشم

کونلوم

گلوبدور تنگه ای ظالم ، ستمله قان اولان کونلوم

همیشه باغ وصلینده ، گولوب خندان اولان کونلوم

دوشوب مجنون کیمی ، صحرایه بیر لیلی فراقیندا

بوتون عاشقلر ایچره ، منبع عرفان اولان کونلوم

نه اولدو بیلمه دیم دوشدو ، جدا گولزار کویوندان

همیشه خوان وصلین بزمینه ، مهمان اولان کونلوم

کیمه بیلمم ، گئدیب اظهار قیلسین محنت عشقین

دؤنوبدور قانه هجرینده غمی پنهان اولان کونلوم

نه چاره ائیله سین ، بیلمم خلاص ائتسین اوزون غمدن

اسیر محنت و پا بسته هجران اولان کونلوم

اولورمی بیر زمان خرم ، یئتیشسه وصل جانانه

غم هجرینله افغانلار چکیب ، گریان اولان کونلوم

منم فرهاد ! عصرین سئودیگی { واحد } گوزللر دیر

اودور کی لاله داغین گؤستریر ، ویران اولان کونلوم

علی آقا واحد

گئدیرم اؤزگه یارین شمعینه پروانه اولام

گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام

عقلی بیز دیوانه لیکده بیلمیشیک

عقلی بیز دیوانه لیکده بیلمیشیک
سئوگینی فرزانه لیکده بیلمیشیک
عاشیقین قانین تؤکوب ظلم ائتمه یی
عشق ده ، جانانه لیکده بیلمیشیک
دوز یولو لنگر ووروب قطع ائتمه یی
دوغروسو مستانه لیکده بیلمیشیک
عشق باغیندا سولوب بختین گولو
بیز بونو بیگانه لیکده بیلمیشیک
اختیلاتین ان گؤزل نعمت لرین
سر به سر افسانه لیکده بیلمیشیک
گر دویونله نسه بوغازدا گؤز یاشی
بیز بونو مردانه لیکده بیلمیشیک
عشقده جانی اودوزماق رسمینی
هر زامان تیفلانه لیکده بیلمیشیک
دالغالار دولموش حبابلا دریادا
بیز اونو دردانه لیکده بیلمیشیک
عاشیقین جان قئیدینه قالماق حالین
قلب ده کی ویرانه لیکده بیلمیشیک
شمع باشیندا آتشه اوتلانماغی
عشق ده پروانه لیکده بیلمیشیک
کیم بیزیله ائیله سه بیگانه لیک
معنا سین صد دانه لیکده بیلمیشیک
هر کسی بیر کنج ائدیر غم دن خلاص
بیز اونو میخانه لیکده بیلمیشیک
دونیانین هر نعمتیندن کئچمه یین
همتین مردانه لیکده بیلمیشیک
او فداکارلار گؤزونده حئیرتیک
رویانی افسانه لیکده بیلمیشیک
صائب الده هر نه ائتمیشدیر اونو
دوسلارا همخانه لیکده بیلمیشیک

شاعر : صائب تبریزی

وطنیم

هاچان، بیرده،گورم سنی
آنا یوردوم،آنا وطن
گول اوزووه، حسرت قالیب
سن سیز، گلدیم جانا، وطن
مین داوادا،مین دویوشده
بولاشمیسان قانا،وطن
کیم دور سنه،ایری باخا؟
کیم دور،سنی دانا،وطن؟
جانیم اولسون،سنه قربان
آذربایجان، آذربایجان
***

بسله میسن قوجاغیندا
حیدرخان تک،قهرمانلار
دیواریندان،داشلاریندان
توکولوبدی،سئل تک،قانلار
کوراوغلونون،نعره سیندن
قورخوب، قاچار،شاهلار،خانلار
خلق میزه،ایلهام وئریر
آدلی،شانلی،ستارخانلار
ایگیت اوغلون،حسین باغوان
آذربایجان،آذربایجان

***
آخشام چاغی،اوبالاردا
سرین سرین،یئل لر،اسر
گدیک لری،دوتوپ دومان
دره لرده،قوزی،مئلر
باغچالاردا،عاشق آلما
داغلاریندا،جیران، گزر
آلمالاری،آغاجلاردان
خمار گوزلی،قیزلار،د ره ر
هرطرفین،باغ دور، بستان
آذربایجان،آذربایجان

***
تاریخ لره،سالدیم نظر
وار سنده،مین لر،قهرمان
بابک لره، اولموش وطن
ستارخاننان، قالمیش نشان
داوا گونی،میدان لاردا
دوشمن لره،قارشی دوران
دوشمن،اگر ئولدورسه ده
ال چکمیرم ،سندن، اینان
سن سن منه،روح وروان
آذربایجان،آذربایجان

ناله دن دیر نی کیمی آوازه ی عشقیم بلند

ناله دن دیر نی کیمی آوازه ی عشقیم بلند

ناله ترکین قیلمارام نی تک کسیلسم بند- بند

قیل مدد ای بخت، یوخسا کام دل ممکن دئیل

بویله کیم اول دلربا بی درد دیر من دردمند

داغ لر دیر اودلو کوکسوم دن قاراسی قوپمامیش

یا ثبات عشق ایچون اود اوزره بیر نئچه سپند

آچیلیر کونلوم گهی کیم گریه ی تلخیم گوروب

آچار اول گلرخ تبسم بیرله لعل نوشخند

خاک راهیم دن منی قالدیرا بیلمز سایه تک

قیلسا گردون آفتابین هر شعاعین بیر کمند

"جام توت" دئییر ساقی گلچهره، زاهد ترک جام

ای کونول فکر ائیله گور کیم، هانسی دیر توتماغا پند

ای «فضولی»، صورت فقرین قبول دوست دور

هیچ درویشی، سنین تک گورمه دیم سلطان پسند

شعر :محمد فضولی

گئنه نیسگیل لئچگین سالدی خزان

گئنه نیسگیل لئچگین سالدی خزان
اچمامیش غنچه لری چالدی خزان
منی ده جایناغینا آلدی خزان
یاشیل احساسلی چمن ساخلا منه
..
یالانا دوزلوک اوخو ائتسه اثر
گول بیتیب ، غنچه گولوب ، آچسا سحر
بیرده گؤرکملی اوره ک گؤرسن اگر
او اوره کلرده وطن ساخلا منه
..
سؤزلرین سینه لره کؤز قالادار
دویغونون توشگولو کؤزدن جالادار
اونداکی سؤز گونشی چالخالادار
سؤزده اولدوز کیمی دن ساخلا منه
.
دایاغ عونوانلی داغ آواره سی یم
قارا گونلرده آغ آواره سی یم
بیر گولوشلوک دوداغ آواره سی یم
غملره قارشی گولن ساخلا منه
..
دئمیرم خوشلوغا یاد ائت یادا سال
غم اؤنونده آدیمی فریادا سال
منی ده غم بؤلوشنده آدا سال
بیر اوره ک پایلی محن ساخلا منه
..
بیر دایان ، ذیروه یه ایز قوی گلیرم
سانماکی خسته یم ، ایز قوی گلیرم
بیر چاناق سؤزده دئنیز قوی گلیرم
بیر دؤیوش مئیدانی چن ساخلا منه
..
اوجالیقلاردا ایزین وار دئیه رک
چیخارام داغلارا یار – یار دئیه ره ک
گله رم غربت ائوین دار دئیه ره ک
وطن عونوانلی کفن ساخلا منه

 شاعیر : حمیده رئیس زاده

بیر شعر نصرت کسمنلی دن

قاییداجاقسان
بئله آیریلیب گئتمه
یئنه قاییداجاقسان
هارا گئتسه ن بیلیرم
منه قاییداجاقسان
...
یوللار یوراجاق سنی
یولدا قویاجاق سنی
دنیز بوغاجاق سنی
گؤله قاییداجاقسان
...
یالان گوماندان بئزیب
اؤتن زاماندان بئزیب
بیرگون دوماندان بئزیب
چنه قاییداجاقسان
...
تیکانی وار گؤلونده
سنی سسلر کولومده
دؤنه جه کسه ن تئلیمده
دنه ، قاییداجاقسان
...
سن سن سئوگیمین ایلکی
تک سنه چاتیر ارکی
کؤنلوم ائله بیلیر کی
هله قاییداجاقسان

بیر مجلسده اون ایکی کیشی‌نین صحبتی

وکیل: حق‌سیزه حقلی دئییب بیر چوخ گناهه باتمیشام

حکیم: دردی تشخیص ائتمییوب، قوم- اقربا آغلاتمیشام

تاجر: من حلال‌ایله حرامی بیر- بیرینه قاتمیشام

روضه خوان: امتین پولین آلیب، من گوزلرین ایسلاتمیشام

درویش: نرده بولسام سوق آچیب مین- مین یالان سوز ساتمیشام

صوفی: روز و شب حق، حق دئییب، من هر کسی اویناتمیشام

ملانما: گونده بیر فتوا ایله، مخلوقی من آلداتمیشام

علم: قطع امید ائتمیشم، یک‌سر بو قومی آتمیشام

جهل: اورتادا کیف ائیلییوب، من هر مرامه چاتمیشام

شاعر: بولبوله، عشقه، گوله، دائر یالان فیرلاتمیشام

عوام: آنلامام هرگز، جهالت بسترینده یاتمیشام

غزئته‌چی: من جریده‌م دولماق ایچون مطلبی اوزاتمیشام

صابیر

اویون اولدوخ

ايتيميز قورد اولالي،بيزده قاييديق قويون اولدوخ

ايت ايله قول-بويون اولدوخ

ايت الينده ن قاييديب،قوردادا بير زاد بويون اولدوخ

ايت ايله قول-بويون اولدوخ

قوردوموز ديشلريني هي قارا داشلاردا ايتيددي

قويونون دا ايشي بيتدي

سون سوخولدي سورويه ،بير سوروني سوءكدو –داغيتدي

اكيليب ،ايت گئديب ايتدي

بيزده باخدخ ايت ايله قورد آراسيندا  اويون اولوخ

ايت ايله قول-بويون اولدوخ

عاشیق دل‌خسته

عاشیق دل‌خسته گؤر دلداره دؤندرمیش یوزون

عالمی ترک ائیله‌میش اول یاره دؤندرمیش یوزون

حاش‌لله کیم، کؤنول یوزون قاپوندن دؤندره

بولبول بیچاره دور گولزاره دؤندرمیش یوزون

دؤندریب زاهد یوزون محرابه، هر دم یاش تؤکر

عاشیقون دیواری یوخ، دیداره دؤندرمیش یوزون

یاره دؤندرمیش یوزون گؤرگج رقیبه سؤیله‌دوم

اول گول خندانی گؤرکیم، خاره دؤندرمیش یوزون

دنیادا مقصودینه هر کیمسه یوزون دؤنده‌رور

بو «خطایی»! سن بت عیّاره دؤندرمیش یوزون

شاه اسمعیل صفوی(خطایی)

آیه لر...

ایلدیریم حک ائیله یر عرشه سما آیه لرین

عرش ده نقش ائله یر فرشه هدا آیه لرین

باغلایب قول قولا بیر جاذبه مین لر فلکی

مین هالای ذکر ائله یر گوی ده ثنا آیه لری

یئل اسیر یازنفسین ده‌ن اویانیر گوللو باهار

دولدورور جامه سوزه‌ن چاغدا صفا آیه لرین

هرنه وارسینه افلاک ده تسبیح ائله یر

ذکر ائدیر هرنه کی وار یئرده دعا آیه لرین

قابلیت آنا توپراق دا بویوک معجزه دیر

کی دوزوب سرگی یه خوش نشو و نما آیه لرین

بیر مقدس گئجه نین خاطره سین ده‌ن نه دئییم

حوری لر یای دی سماواته حرا آیه لرین

(ائلچی) از باب بشیرا و نذیرا قرآن

هر نفس نشر ائله یر خوف و رجا آیه لرین

عباسعلی یحیوی(ائلچی)

زلف پریشان مشاطه سی

بو گئجه آی منه قیقاجی باخور جــــــــــــــان آپارور

مجلس عشقه مغنی نی غزل خـــــــــــــوان آپارور

دوزولوب مجلسه پیمانه چیلر بــــــــــــــــــــاده یلن

بیری مســــــکر گتیرور مجلـسه پیمان آپــــــــــارور

گؤزلرون غمزه سی مین یول منی اؤلدورمه ده دیر

قاشلارون چلــــه سینه ناوک مژگـــــــــــــان آپارور

منی مست ایله موسن خال سیاهونله گولـــــــوم

چیخادیب دینی یادیمدان نجه ایمــــــــــــان آپارور؟

کول اولوب یانام اگــــــــــــــر دؤنده رسن یوز مندن

اودا یاندیرماغا بو جانیمی هجــــــــــــــــــران آپارور

آلمیشام لعل لبوندن گؤزه لیم کــــــــــــــــــام ولی

اصلی لذت گؤزه لیم کامیلـــــــــــــــــه دندان آپارور

وئرمه مشاطه لره ایذن چکه شـــــــــــــــــانه تئله

جمع اولان تئل ثمرین ، زلف پریشـــــــــــــان آپـارور

شمع تک یانسام اگر چیخمایاجاق ذره سســــیم

عشق اودون دادماقا دیل آتش سوزان آپـــــــــارور

گیــــــــــــــــرسه جولانگهه عقلیله اورک بیر یئـرده

اورک عقلی ، اورکی سرو خرامـــــــــــــــــان آپارور

منه بیر قامتی رعنا نئجه گؤر عشوه ســــــــــــاتور

هر باخیشلا منه بیر یاره وئــــــــرور ، قان آپــــــارور

سر کویونده سنون طائری مجنون گــــــــــــــؤردوم

داغی قازماقدان اوتور تیشه نی پنهــــــــــان آپارور

مجنون تک

/////////////////////////////////////////////مني سوْداي زولفون ائيليوب آشفته مجنون تك ///////////////////////////////////////////// آخار سيل سرشكيم هر طرف سرگشته جيحون تك ////////////////////////////////////////////// گداي ملك عشقم ليك اؤز شهريمده سلطانم //////////////////////////////////////////////////// تؤكنمز نقد اشكيم ، وار اليمده گنج قارون تك //////////////////////////////////////////////////// بو فكريلن كؤنول بير بوسه آلسون خاك پايوندان ///////////////////////////////////////////////// گلور گؤزدن،دوشرتوپراقه دائم اشك گلگون تک //////////////////////////////////////////////// گول رويون ائدنده داغ دلدن لاله يه نسبت ////////////////////////////////////////////////////// دولار كؤنلوم فضاسي داغيلن پيوسته، هامون تك ////////////////////////////////////////////////// مني بير تلخ گفتاريله ديندور ، آرزومندم ///////////////////////////////////////////////////////// سنون زهرون گلير شيرين مذاق جانه، معجون تك ///////////////////////////////////////////////// كؤنول قانيله دوْلموش بزم غمده كاسه چشميم ////////////////////////////////////////////////// اوْلوب چون جام عيشيم سرنگون بوطاس وارون تك ///////////////////////////////////////////////// دئمه پيكان غمزون خون دلدن قانه غرق اوْلدي ///////////////////////////////////////////////////// درون سينه ده ياتميش صدفده درّ مكنون تك ////////////////////////////////////////////////////// قوپارّام تيشه حسرتله هر بير گونده مين داغي ////////////////////////////////////////////////// مني شيرين لبون شوري ائدوب فرهاد، مجنون تك /////////////////////////////////////////////////// نهال درد و غم اوْلسام نوْلور آخر دؤنوب حاليم /////////////////////////////////////////////////////// اوْلوبدور بار محنتدن خميده قامتيم ، نون تك //////////////////////////////////////////////////////// منم صراف ، لاكن نقد طاعتدن تهيدستم ///////////////////////////////////////////////////////// دوْلوبدور دامنيم گرد گنه دن، فُلك مشحون تك /////////////////////////////////////////////////////// حاج رضا صراف تبریزی

گولسون منه

آخر آغلاتدین منی، بیگانه لر گولسون منه///////////////////////// ////////////////////////////////////////////// شمع تک یاخدین منی، پروانه لر گولسون منه //////////////// //////////////////////////////////////////////// منده یالوارام، گوزون یادیله، پیر میکده /////////////////////////// /////////////////////////////////////////////// ائیله مست ائتسین منی، مستانه لر گولسون منه ///////////// /////////////////////////////////////////////// پرتو خورشید رویین جام می ایچره گؤروب ////////////////////// /////////////////////////////////////////////// آغلارام قوی دوریده پیمانه لر گولسون منه ////////////////////// /////////////////////////////////////////////// قورخورام سر دهانین می ایچیب فاش ائیله یم ////////////////// ////////////////////////////////////////////// مست اولام کیم عارف، میخانه لر گولسون منه /////////////////// ///////////////////////////////////////////// باغلا اول زنجیر زولفونه من سرگشته نی ///////////////////////// //////////////////////////////////////////// قویما کیم صحرانشین، دیوانه لر گولسون منه //////////////////// //////////////////////////////////////////// لیلی وش، زولفوندن آیری ایسته رم مجنون اولام /////////////////// /////////////////////////////////////////// قوی ائشیتسین بو سؤزی، فرزانه لر گولسون منه ///////////////// /////////////////////////////////////////// ییخا بیلمزدی فلک اولسایدی ییخدی هجر یار ///////////////////// ///////////////////////////////////////////// واحدم قوی ساکن ویرانه لر گولسون منه ///////////////////////////////////////////////////////////////////// علی آقا واحد

صلح اولماسا

گول منی سن ایسته سن عومروم هدر اولماز

صلح اولماسا، اولاد وطن بخته ور اولماز

آزاده لیقی، صولحی سئویلر بیزیم ائللر

بیر یئرده کی، صولح اولسا، او یئرده ضرر اولماز

اودلار وطنین نازلی گوزه للر بورویوبدور

ائللرده مثل وارکی، گوزل سیز شهر اولماز

آهیم اودو بلکه ائله سین قلبینه تاثیر

نیسان سویونو ایچمه یه داشدان گهر اولماز

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد سنه، غم چکمه رقابت ائدن اولسا

مین گول قووشا بیر یئره، بحر خزر اولماز

علی آقا واحد

یاخشیدیر

بیر نفر اهل وفا مین بی‌وفادن یاخشیدیر

بیر صداقت اهلی مین اهل ریادن یاخشیدیر

هانسی گول دیر حسنده سندن گوزه‌ل دیر، سئوگیلیم

هانسی بولبول عشقده من بینوادن یاخشیدیر

قاشلارین چرخین هلالیندن، اوزین خورشیددن

صورتین آیینه‌ی گیتی نمادن یاخشیدیر

بیر داها خالین گوزه‌ل‌لیک آرتیریر رخسارینه

بیر غلط سوزدیر دیمشلر، آغ قارادان یاخشیدیر

گوزلرین صحرای چین آهولریندن دل فریب

عنبرین گیسولرین مشک خطادن یاخشیدیر

صحتی بیمار، عشقین کعبه‌ی کوینده‌دیر

اهل درده خاک راهین توتیادن یاخشیدیر

مین بلا طوفانی، قوپسا، ذره گلمه‌ز عینیمه

رخنه گورمز هر بنا کیم ابتدادن یاخشیدیر

جاهله تبلیغ عرفان ایله‌ملک آسان ده‌گیل

دیده‌ی خفاش ایچون ظلمت ضیادن یاخشیدیر

واحد،انصافاً دیسین تبریزده دوستوم اعتماد

گنجلرده هانسی شاعر «بی‌ریادن» یاخشیدیر

علی آقا واحد

سنی من گورممیشیدیم ولی سنلن تانیشیدیم نه دن؟

بوباغین بولبولو بیرده ن بیره لال اولدو نه دن؟

قوزقونا قارقایا جولانه مجال اولدو نه دن؟

شانلی یازکسمیشیدی قاره قیشین بوز نفسین

یازا چیخمیش صونالار غرق ملال اولدو نه دن؟

هانکی صرصر الی پرپر ائله دی گول چیچگی

بو برومند آغاجین میوه سی کال اولدو نه دن؟

بیز کی جان جان دئمه دیک اولکه ده قان قان دئینه

سئوگی منظومه سی حال اهلینه قال اولدو نه دن؟

مِیِ انگوری سؤزوم یوخ کی حرام ایدی بیزه

انسانین قانینی نوش ائتمه ک حلال اولدو نه دن؟

بیز بیلردیک کی دوغولماز یئنی دن رستم زال

یوردون حرّاجه قویان رستم زال اولدو نه دن؟

ایسته دیک سیره چیخاق ماوی سمالرده بیر آن

سیندی قُول یاندی قاناد سیر محال اولدو نه دن؟

آی کیمین آیدین یدی (عاصمه) ناحقّیله حق

پس حقین قامت موزونو هلال اولدو نه دن؟

صالح عاصم اردبیلی

گول ایمیش

 

بولبولون ناله‌ی جـانسوزینه باعث گـول ایمیـش

گوله هم عاشیقِ سـرگشتـه اولان بـولبـول ایمیـش

من دئیردیم کی، او مه مهر و وفـا صـاحیبی‌دیـر

دئمه بس، مهر و وفـادن او اوزی غافیل ایمیـش

داشا تـأثیـر ائلـه‌دی آهیــم اودیـله یـاندی

بیر اثر ائتمه‌دی اول شوخه، نـه آهـن‌دل ایمیـش

پیرِ میخانه سـوزون شیـخ قبول ائیلـه‌دی دون

آدم اولادی‌دیر، حقّا کی، هلـه قـابـل ایمیـش

یوخدور عاشیق، دئدی اول مه، منه سندن غیری

گیزلی منـدن، دئمـه، بیگانه‌لـره مایل ایمیـش!

عشقه دل ویرمز ایدیم، بارِ غمیـن بیلسـه‌ایـدیـم

نه بیلیم، عشقدن عشّاقـه بـلا حـاصیـل ایمیـش؟

واحـدا، مشکـل ایشـه خلقـده صبـر اوسـا اگر

اولو تدریج ایله آسان، هـر ایـش مشکل ایمیـش

علی آقا واحد

یئنی تکنیک

لعنت اینترنتـه کی لال لاری گویا ائله‌دی

یوخی وار قاره نی آغ چیرکینی زیبا ائله‌دی

اته نه قوش لارینا قدرت پرواز وئریب

سوت دیشین توکمیه‌نی حکمته دارا ائله‌دی

آچدی علمین قاپی سین غرب ده انسان اوزونه

تکجه فکر اوغروسونو شرق ده احیا ائله‌دی

لوله‌یین گورمه‌یه‌نین آفتافا وئردی الینه

خورخورا دوشدو خبرآلمـا نه غوغا ائله‌دی

اوشاقین آلدی الین‌ده‌ن توته‌کی وئردی موبایل

او طفیل ده اونو دفترچه‌ی انشا ائله‌دی

یئتمیش ایل سانجی چکیب نیما بئجرده‌ن وطنی

آز زامان دا نئچه مین صاحب نیما ائله‌دی

شاملووون قویدو ایاغ چینینه قوزاندی گویه

اخوان نقشی‌نی اشعارده امحا ائله‌دی

فکر صاحب‌لری‌نین گنجینی تاراجه قویوب

رنج سیز بیرگئجه‌ده سارساقی سینا ائله‌دی

وزن‌ایلن قافیه‌نی شاققالایب آتدی ایته

حضرت حافظه بیر محکمه برپا ائله‌دی

سعدی‌نین قبری‌نی قازدیردی گلستانین‌ده

قتل فرمانی‌نی فردوسی‌یه امضاء ائله‌دی

مولوی‌نی ائله‌دی نفی بلد قونیه‌ده‌ن

اولو خاقانی‌نی شیروانیده رسوا ائله‌دی

نظم‌ده‌ن سالدی نظامی کیمی شعرین آتاسین

صائبین سبکی‌نی هند اوغلونا اهدا ائله‌دی

بیدل‌این کسدی دیلین دهلی‌ده باسدیردی یئره

سعـد سلمانی‌ده زندانیده ابقا ائله‌دی

شهریارین گوتوروب شعر تاجین باشیندان

گونش‌این چشمه سینی شب پره حاشا ائله‌دی

بوغدو حیدربابانی دوغدو مدرنیسمی بیزه

درده باخ اوندادا بی‌سرلری بی‌پا ائله‌دی

سیمین‌این دیوانی‌نی زوللادی آشغال قابینا

پروینی کهنه بئین شاعره معنا ائله‌دی

سایه‌نی حال حیاتی‌نده زمین‌گیر ائله‌ین

فروغی رتبه‌ده بیر شاعر نوپا ائله‌دی

ادبیات دنیزینده اوزه‌ن اوزگونچولری

بوشلایب گول‌ده باتان قطره‌نی دریا ائله‌دی

و بو اینترنت اگر وئردی تعالی بشره

بیزیم ایران دا بوتون اسفلی اعلا ائله‌دی

قارقانی قوزقونو دولدوردی ادب باغچاسینا

بولبولی داردان آسیب پشه‌نی عنقا ائله‌دی

ادبیاتیده چالـدی ادبین داش باشینا

یئنی معجونیده‌ن اخلاقی مجزا ائله‌دی

سرقته فرصتی بذل ائتدی شعر اوغروسونا

اودا اوز ذاتینی وبلاگ‌دا هویدا ائله‌دی

زلف اوزاندی قاش آلیندی دیشی‌لندی کیشی‌میز

لعنت اول تکنیکه مجنونو لیلا ائله‌دی

طاووسی ساتماق ایچون یوللادی مال میدانینا

دورری خرمهره‌یه بازاریده همتا ائله‌دی

اوز کوکون‌داندی اوشاق باغلادی بیگانه‌یه بئل

نه اوتاندی نه اوساندی نه ده پروا ائله‌دی

آتاسین دان بئخبر بیلدی اوز ائل‌داشلاری‌نی

نه بیلیم بلکه ده اوز سری‌نی افشا ائله‌دی

نه گیله فقرده‌ن ائتدی نه آخان قان یاشدان

نه تالانمیش‌لار ایچون صبر تمنا ائله‌دی

نه قارانلیق گئجه‌یه بیر جوما اولدوز چیله‌دی

نه دومانلیق به‌یه‌نن آزمانا ایذا ائله‌دی

نه بولاق اولدو آچیب یول آخا یار باغچاسینا

نه چراغ ایله‌ایتن یولداشی پیدا ائله‌دی

تکجه اوهام‌ایله شعرین پری سین سالدی تورا

چالیشیب صبحه کیمی نفسینی اغنا ائله‌دی

اعتراض نامه آدین قویدو هدر سوزلری‌نین

تا کی اوز شاه اثرین ائل‌لره اهدا ائله‌دی

تف سنین گردش دورانینا ای چرخ فلک

بو دولانماق کیمی گور کیم لره مولا ائله‌دی

عاصما بسدی دایان شعرینه صون قوی بونو دء

لعنت اینترنته کی لال لاری گویا ائله‌دی

استاد عاصم اردبیلی خرداد 1390

ریاست میزی

ایندیه‌تک بیله بیلوردم خانم

هرزه و هزیاندی ریاست میزی

ایندی اوتوردوم گورورم آی جانم

تخت سلیمان‌دی ریاست میزی

      

آخ نئجه راحت نئجه اگلشملی

هر نئجه یورقون اوتوسا دینجلی

چوخ یوموشاق سلقلی کیف سورملی

لایق سلطان‌دی ریاست میزی

تخت سلیمان‌دی ریاست میزی

      

میز نئجه میز اگلشنی جست ایدیر

رند و خرابات و قوی دست ایدیر

بی می و مینا آدامی مست ایدیر

رتبه‌ی شایان‌دی ریاست میزی

تخت سلیمان‌دی ریاست میزی

     

باخما کیچیک گورسنوری ظاهری

تک بیر آدامدان چوخا یوخدور یری

قوی الیوی آننوا باخ بیر چری

بیر یکه میدان‌دی ریاست میزی

تخت سلیمان‌دی ریاست میزی

        

میز نئجه میز نشعه‌ی ممتازی وار

موشک و جت تک گویه پروازی وار

باشدان آلور هوشی عجب گازی وار

محفل رندان‌دی ریاست میزی

تخت سلیمان‌دی ریاست میزی

       

ایلمه غم فخرایله شیش آی ماتان

من رئیس اولدوم کفیمه یوخ چاتان

صدر نشینم دگولم شارلاتان

دردیمه درماندی ریاست میزی

تخت سلیمان‌دی ریاست میزی

      

واردی عجب معجزه‌سی بو میزین

کور ایدیر اوّل‌ده جلیسین گوزین

نه جلو ایستور نه اوزنگی نه زین

مین‌ملی مادیاند‌دی ریاست میزی

تخت سلیمان‌دی ریاست میزی

      

دورسا حضوریمده اگر یوز نفر

سایمارام ایشکدی بولار یا بشر

یا بیر اوطاق کتلی یا بیر طویله خر

بیزلره یکساندی ریاست میزی

تخت سلیمان‌دی ریاست میزی

       

آخ نئجه میز وار نه گوزل نقشه‌سی

اَل قول آچانمور سویورام هر کسی

اُلدویرورم هر کیمی چخمور سسی

مسلخ انساندی ریاست میزی

تخت سلیمان‌دی ریاست میزی

      

سخت اولا قانون نئجه مثل دمیر

من اونی الده ایده‌رم چون خمیر

اولموشام ایندی ایله روشن ضمیر

مکتب عرفاندی ریاست میزی

تخت سلیمان‌دی ریاست میزی

       

میز نئجه میز جنگده ارابه‌دی

دللری یاندیرماقا خوش تابه‌دی

خون ضعیفان بیزه نوشابه‌دی

باشدان ایاق قاندی ریاست میزی

تخت سلیمان‌دی ریاست میزی

      

مؤمن اولا گبر اولا اسلام اولا

یوخ منه فرقی چاتارام قول قولا

دینی فدا ایلمیشم من پولا

دینله دشماندی ریاست میزی

تخت سلیمان‌دی ریاست میزی

      

بو مثلی خوش دیدی احمد کوسا

ارمنی‌لیق یاخشیدی کبلای موسا

لیک قیامتده پوخی چخماسا

مسند شیطان‌دی ریاست میزی

تخت سلیمان‌دی ریاست میزی

      

عصر بیزیم عرصه‌ی میدان بیزیم

قصر بیزیم حوری و غلمان بیزیم

نفس بیزیم نعمت الوان بیزیم

معرض طغیان‌دی ریاست میزی

تخت سلیمان‌دی ریاست میزی

      

ظالمی مظلوم ایلسم ایلرم

حاکمی محکوم ایلسم ایلرم

هر کسی مسموم ایلسم ایلرم

مرکز بهتاندی ریاست میزی

تخت سلیمان‌دی ریاست میزی

     

دائم الیمده ایکی مثقال قلم

ایسته‌سم عالملری ووررام به هم

پولدی پول اُستن یاغوری دم به دم

گورملی دکاندی ریاست میزی

تخت سلیمان‌دی ریاست میزی

      

ملتی مین مین سویورام دویمورام

دولته دوقوز قویورام دویمورام

گونده اوتوز رنگ بویورام دویمورام

حیله‌ی الواندی ریاست میزی

تخت سلیمان‌دی ریاست میزی

       

زال منم رستم دستان منم

گیو منم سام نریمان منم

اهرمنم خصم سلیمان منم

مسکن دیواندی ریاست میزی

تخت سلیمان‌دی ریاست میزی

      

دویمارام اصلاً بله سرمایه‌دن

یوخدی سراغیم خبر و آیه‌دن

سنماسین ای کاش بو میز پایه‌دن

ثروت و ساماندی ریاست میزی

تخت سلیمان‌دی ریاست میزی

      

بس دی کریمی سوزی قاتما سوزه

سورمه آتون داشلقا قیتر دوزه

چکمه داخی ملتی چوخدا اوزه

یازمالی عنوان‌دی ریاست میزی

تخت سلیمان‌دی ریاست میزی

شاعیر: کریمی مراغه‌ای

پیرم و گاهی دلم یاد جوانی می کند!!!

پيرم  و گاهي  دلم  ياد  جواني  مي كند          بلبل شوقم  هواي   نغمه خواني  مي كند  

همتم تا ميرود سازغزل  گيرد به  دست         طا قتم  اظهار عجز و  ناتواني   مي كند 

بلبلي در سينه مينالـد هنوزم  كين  چمن        با خزان هم آشتي  و گـل  فشاني  مي كند

ما به داغ عشق بازيها  نشستيم  و  هنوز        چشم پروين همچنان چشمك پراني مي كند

ناي ما خامش ولي اين زهره شيطان هنوز      با همان شور و نوا دارد شبـاني  مي كند

گر زمين  دود هوا  گردد  همانا  آسمان         با همين نخوت كه  دارد آسماني  مي كند

سالها شد رفته دمسازم زدست اما هنوز         در درونم زنده است  و زندگاني  مي كند

با همه نسيان تو گوئي  كز پي آزار من         خاطرم با  خاطرات   خود تباني  مي كند

بي ثمرهـر ساله در فكر بهارانم    ولي         چون بهاران ميرسد با من خزاني مي كند

طفل بودم دزدكي  پير و عليلم   ساختند        آنچه  گردون ميكنــد با ما نهاني  مي كند

ميرسد  قرني به پايان و  سپهر  بايگان         دفتر  دوران  ما  هم    با يگاني  مي كند

شهريارا  گو دل ازما مهربانان  مشكنيد        ورنه  قاضي در قضا نامهرباني  مي كند

شعر ترکی گئتدی گؤردوم

گئتدی گؤردوم

الیمدن هرنه واریم گئتدی گوردوم

یانیمدان نازلی یاریم گئتدی گوردوم

غمیندن قاره گیمیشدی زمانه

قان آغلیردی دیاریم گئتدی گوردوم

یوموبدی گوزلرین اصلا اویانمیر

بو گوزلر گوزلریندن هیچ دویانمیر

ندن منسیز گئدیر بیر آن دایانمیر

داها صبریم قراریم گئتدی گوردوم

غمیندن باغچالاردا سولدو گوللر

سارالدی گورنه پرپر اولدی گوللر

گلیب افغانه زولفون یولدو گوللر

خزان اولدو بهاریم گئتدی گوردوم

او گئتدی گویده سوسدو یئرده سوسدو

قلم قان آغلادی دفترده سوسدو

اورکده دوزمدی بو درده سوسدو

الیمدن ایختیاریم گئتدی گوردوم

بساطین قورسادا فصل زمستان

گلنده هریئر اولموشدو گولستان

گئدنده سوسدو جومله باغ و بستان

چوخالدی آه و زاریم گئتدی گوردوم

سوروردوک عمری بیز شاد و خرامان

بیزی شن گورمگه قیسقاندی دوران

قارا یئل اسدی ویران اولدی هریان

منیم دارو نداریم گئتدی گوردوم

شاعر : قادیر بابائی

لعنت اولسون قلبیمه

                                    لعنت اولسون قلبیمه سنسیز پریشان اولماسا

                                      نینیرم من گوزلری هجرینده گریان اولماسا

                                          لحظه لر سنسیز منه ای گل عزادیر

                                    شمعه کیم مهمان اولار پروانه مهمان اولماسا

شعر ترکی از استاد واحد

گئت گولوم گئت منه سن جان اوْلاسان ایسته میرم

عشوه لی، سئوگیلی جانان اوْلاسان ایسته میرم

بیرده گؤزیاشی تؤکوب کویینه گلمم گؤزلیم

گؤروب احوالیمی خندان اوْلاسان ایسته میرم

بی وفالیقدا بوتون عالمه مشهور اوْلدون

سن اگر حوری غلمان اوْلاسان ایسته میرم

وورموسان سینه مه مین یاره کفایتدی منه

بو سینیق کؤنلومه درمان اوْلاسان ایسته میرم

بی وفاسن، ده گیلم راضی اؤلندن صونرا

قبریم اوستینده نگهبان اوْلاسان ایسته میرم

پیس گؤنومده منی سالدون نظریندن گئتدین

یاخشی گؤنده منه مهمان اوْلاسان ایسته میرم

واحدین قیمتینی بیلمه دین اینجیتدین اوْنی

هله گی اؤلدو ، پشیمان اوْلاسان ایسته میرم